The LAST lecture

last lecture

وانتهى الجهاز البولي..

انتهى قبل أن نشعر بوجوده 🙂

أقرأ باقي الموضوع »

أول زيارة لغرفة العمليات

أول شي كيف حالكم؟

من زمان عن المدونة 😦 .. والله وحشتني ووحشتوني 🙂 .. إن شاء الله راجعة قريبا بمواضيع جديدة

وبسبب فترة الركود اللي حاصلة قررت أنزل دا البوست اللي هو إهداء من العزيزة درّة الأمل

هي كتبته من بداية إجازة الحج وأنا كسلت أنزله.. أتمنى إنها تسامحني وانتو كمان سامحوني

أترككم مع كلامها الحلو 🙂

untitled1

يوم الأحد 16/11/2008 كان ثاني يوم بعد اختبار microbiology “علم الأحياء الدقيقة”
كالعادة بدأ اليوم بالمحاضرات من الساعة 8 الى الساعة 3
مر اليوم بطوله واحنا متحمسين ننتظر نقطة الانطلاق الى المغامرة
وأخيراً خلصنا لاب المايكرو الساعة 3 وانطلقنا الى ال OR يعني غرفة العمليات الجراحية..  ..
دخلنا الغرفة بعد موفقة القسم لنا بالدخول والتعرف على الOR  ..”بعد طلوع الروح”..
دخلتنا الممرضة أول شئ dressing room  “غرفة تغيير الملابس” عشان كلنا لازم نلبس لبس خاص مكون من:
-scrub  وهو اللبس المعتاد لبسة في غرفة العمليات مكون من بلوزة وبنطلون.
– غطاء الرأس.
– غطاء للقدم.
– كمامات.
– قفازات لازم تكون معقمة 100%

كل هذي الأشياء لازم تكون نظيفة ومعقمة عشان ما تنتقل أي بكتريا او فيروسات للمريض وتسبب له أي أمراض لاسمح الله.
وبعد ما انتهت عملية اللبس وبدون تعليق على الأشكال قمنا بجولة في انحاء غرفة العمليات شرح لنا فيها أحد العاملين في الOR. حيث تنقسم عرفة العمليات الى :
untitled2

قسم للإفاقة

وقسم العزل

وقسم يحتوي على غرف للتخدير

وأخرى لإجراء العمليات

كل غرفة مجهزة على حسب أنواع العمليات اللي تصير فيها يعني في غرف خاصة لعمليات القلب او الاعصاب او لعمليات النساء والولادة وغرف خاصة لأجراء العمليات بالمنظار..

كمان في غرفة مجهزة تجهيز كامل لتصوير العملية  ونقلها نقل مباشر عشان يتم مشاهدتها من قاعة مؤتمرات او محاضرات مثلاً..

وبدأ الأكشن..

حضرنا عملية استئصال الزائدة الدودية appendectomy” “ بالمنظار ..
يعني العملية تتم بفتح ثلاثة الى اربعة فتحات صغيرة جداً بالبطن
وحدة تدخل منها الكاميرا للتصوير والاخرى لباقي الادوات

“هذي الطريقة احسن للمريض بس متعبة للدكتور”
الزائدة عند بعض المرضى تكون ملتهبة في هذي الحالة لازم تستئصل حتى ما تسبب مضاعفات لاسمح الله
وعشان الزائدة مرة قريبة من الاعضاء تعب الدكتور حتى لقاها..
وبطريقة معينة قام باستئصالها بنجاح ولله الحمد
سبحان من اعطى الانسان العلم الجراحة مرة يبغالها دقة وطولة بال

خلصت العملية الساعة 5 تقريباً  رجعنا جري على غرفة تغيير الملابس والتقطنا صورة جماعية لنا واحنا لابسين لبس العمليات “الاشكال تحفة”
واهم شئ هذي الصورة

كان اليوم مررررررررة حماااااااااااااس
كل الدكاترة كانوا مستغربين وجودنا خصوصاً إننا أول دفعة تدخل غرفة العمليات وهي في هذي المرحلة..
..اللهم علمنا ما ينفعنا وانفعنا بما علمتنا ..
..اللهم اشفي جميع مرضى المسلمين يارب العالمين..

Final Exam

العد التنازلي لاختباراتنا النهائية بدأ الآن

الله ييسر لنا المذاكرة

سأحاول بإذن الله التفرغ حاليا ولمدة ٣ أسابيع تقريبا للمذاكرة الجادة *

جدول اختباراتنا.. 🙂

الثلاثاء..٢-١-١٤٣٠هـ .. علم الأحياء الدقيقة

الأربعاء .. ٣-١ .. عملي علم الأحياء الدقيقة

السبت** تأجل للأحد 😀 رجع السبت 😦 .. ٦-١ .. علم الأدوية

الثلاثاء .. ٩-١ .. مقدمة مهارات سريرية

الأربعاء *** .. ١٠-١ .. علم الطفيليات

وطبعا لزوم المذاكرة

لاتنسونا من دعواتكم 🙂

ولأن من لايشكر الناس لا يشكر الله

شكرا من الأعماق لكل دفعة med07 المتميزة (f)

وخصوصا كل من قام بعمل الملخصات 🙂 (L)

ربي ما راح يضيع لكم تعب

وفي النهاية..

صحباتي راح توحشوووني أسبووع مانشوف بعض 😦

————–

*ركزوا على سأحاول 😦

**نتمنى تأجيل الاختبار للأحد ومازلنا نحاول الحمدلله تم التأجيل 😀

***موعد الامتحان مازال تحت التصويت فمن المحتمل أن يتم تأجيله للأسبوع الذي يليه ولكن هذا الموعد هو ما صوت له استقر على دا الموعد :d

****الصور كلها من جوجل 🙂

أرسلت فى دراستي . 18 تعليق »

Micro – Cocci


عودة لملخصات المايكرو

وبعد خريطة الـ strept


خريطة الـ niesseriaceae والتي قامت مشكورة بإعدادها العزيزة fsdiosis

هنا

وخريطة الـ staph

من هنا

وهذه الخريطة تجمع الـ cocci كلها مع بعض

من هاهنا

دعواتنا للجميع بالتوفيق 🙂


الله يوفق كل اللي أشتغلوا في الخرائط ومن كان معه يحمسه

أدعولي أنقل للدومين الجديد قريبا <<< بس طبعا بعد اختبار المايكرو:)

Micro – Streptococci


أمس قررت أذاكر الـ streptococci

يعني صح هو في النص (تقريبا خامس وسادس محاضرتين من المنهج)

وحبيت أرسم له خريطة ذهنية

نزلت برنامج visual mind لعمل الخرائط الذهنية

ورسمت عليه الخريطة

محاضرتين أخدت مني تقريبا 6ساعات عمل متفرقة

لأنها أول مرة بعد كدا إن شاء الله يقل الوقت 😉

دا كان الشكل النهائي اللي طلع معايا 😀


اش رايكم بس 😀

أبدا لا يغركم الشكل

من أجمل المميزات في البرنامج إنو ممكن تنزل الخريطة عالنت بحيث يمكنكم تصفحها أون لاين

من هنا

حسيت إنها ممكن تفيد أكتر شي في المراجعة

يارب تلاقوها useful

وفي النهاية

إذا عندكم أي كومنت عالبرنامج أو الأسلوب أو الاختصارات

Please let me know it

وشكرا 🙂

اختبارات نصفية!!!!

اختبار المايكرو الميد بعد أسبوع بالضبط

وبما أن المايكرو عندنا 4ونص محاضرة في الأسبوع

الطبيعي انو يكون الاختبار لحد ماوصلنا تقريبا 18محاضرة (قولوا إن شاء الله تكون أقل)

وأنا ما زاكرت عدل 😦

^

^

^

دا المقطع كل ماشفت أحد في وجهي الويك اند قلتله هو << سواء فيس تو فيس ولا حتى عالمسن

المشكلة إني عارفة تفكير غبي زي دا ماراح يودي ولايجيب

ماعلينا 😛

زي ما انتو عارفين كل واحد لو طريقة يفضلها في المذاكرة

وأنا آدمية أحب أذاكر بطريقة الشرح للغير وكتابة الملخصات <<كنت أكتب بس صار لي فترة كسلت ونزل معدلي 😦

واليوم لما شفت حملة دراستي في مملكة القلم

قررت وبما إني ماعندي أحد أشرح له في البيت

إني أشرح هنا

أو بالأصح ألخص المعلومات المهمة

وإن شاء الله أفيد الكل 🙂

في النهاية..

اش رايكم..

أشرح بالعربي ولا الانجليزي؟؟!!

.. دمتم بصحة وسلامة ..