وحدة العزل الطبي

الأحد الماضي كان أول يوم لنا للزيارات

قمنا في البداية بتكوين مجموعة من إحدى عشرة طالبة

وتشاورنا حول أي الأماكن سنزور أولا

وفي النهاية اتفقنا أن تكون

وحدة العزل الطبي (isolation unit)

والتي يوضع فيها المرضى المصابين بأمراض خطيرة ويخشى أن تنتقل لغيرهم

هي البداية

قرار متهور ولكنه جميل

وصلنا للدور الرابع لمستشفى جامعة الملك عبد العزيز وبحثنا عن الوحدة

وصلنا وكان الجميع مشغول بأموره

شرحنا وضعنا وأننا نقوم بزيارة لكم ولكن لا تفاعل

وبعد أخذ ورد

قامت إحدى الممرضات بإعطائنا بعض الأوراق والتي قمنا بقرائتها

وتعرفنا على الأمراض التي تستدعي العزل

وكانت على قسمين

الأول وهو الأشد خطورة : أو الـ airborn

العدوى بها يمكن أن تنتقل عن طريق الهواء فقط

ومن هذه الأمراض :الدرن (السل) (TB) وهو الأكثر وجودا من الحالات

الثاني:

وفيه المرضى المصابين بأمراض تنتقل العدوى بها عن طريق أي إفرازات من الجسم كالعطاس والسعال والدم …إلخ

ومن هذه الأمراض : الحمى الشوكية (meningitis)

والاحتياطات الواجب اتخاذها قبل الدخول على المريض

وهي نوعين

عامة: وذلك باعتبار جميع الحالات التي يمر عليها الطبيب خطرة ومعدية

فيجب عليه الانتباه وأخذ الاحتياط بغسل اليد قبل وبعد فحص المريض

وكذا لبس الكمامات والقفازات الخاصة

والتخلص منها بطريقة صحيحة وآمنة

خاصة: حسب نوع المرض الذي يعاني منه المريض

وتنقسم لثلاثة أقسام..

  1. Airborn

وهي كما ذكرنا الأمراض التي تنتقل العدوى بها عن طريق الهواء فقط

وتحتاج لغرف ذات ضغط سالبnegative pressure room) )

الغرف ذات الضغط السالب بدخولها كأنها مكنسة تقوم بشفط الهواء من الغرفة أولا بأول حتى يكون جوها خاليا من الملوثات والميكروبات المسببة للمرض

نحتاج فيها لاستخدام كمامات من نوع خاص وهو N-95 <<تراه نوع غالي زي نوكيا N-95

  1. Droplet

وهي الأمراض التي تنتقل العدوى بها عن طريق أي إفرازات من الجسم كالعطاس والسعال والدم …إلخ

ونحتاج عند الدخول عليها إلى كمامات عادية

  1. Contact

وهي الأمراض التي تنتقل فيها العدوى بالاحتكاك بالشخص المصاب بالمرض

وأما عن الأدوات التي يتم استخدامها في الوحدة

فهي القفازات والكمامات بنوعيها وكذا الـ gown ولم أعرف ترجتمه بصراحة

ولكنه الشي الورقي الذي يلبس فوق الملابس ويكون قابلا للرمي أو disposable

بعدها شرحت لنا الممرضة المسؤولة في الوحدة كيفية الدخول على غرفة المريض

من طريقة فتح باب الغرفة وحتى إغلاقه

كما رأينا الطريقة الصحيحة لغسل اليدين

والطريقة الآمنة لنزع القفازات بعد استخدامها

((المقاطع تحتوي على بعض الموسيقى برجاء إغلاق الصوت 🙂 ))

……………………….

وكما ذكرت صديقتي فـ شلتنا المحترمة والمكونة من 6 طالبات

تم تقسيمنا في مجموعتين مختلفتين ثلاثة في كل مجموعة

وكنت في المجموعة التي زارت وحدة العزل أولا

وأقنعنا باقي الشلة بزيارتها في اليوم التالي

وبينما كن يستمعن لشرح الممرضة

انتبهن لصوت عال وصوت فتح باب ….

البقية في العدد القادم 😉

وإن أرادت من ذهبت لتلك الرحلة حكاية ماحصل لهن

فعلى الرحب والسعة 😉 العزيزة shoso كفتني مؤونة الحكاية وحكت لكم ماحصل 🙂 شكرا 🙂

………………………….

نفسي أعرف مين اللي صكنا عين

على إننا ماندرس غير 3 مواد

اليوم جانا خبر إنو إدارة الكلية الموقرة أضافت لنا مادة 😥

يعني حضرتهم دوبهم حسوا إننا فاضيين ولازم ندرس أكتر من كدا

الله يوفقنا ويعيننا يارب

المادة التي تمت إضافتها هي علم الطفيليات (parasitology) 🙂

Advertisements

20 تعليق to “وحدة العزل الطبي”

  1. Shoso Says:

    مبروووووووووووووووووووووووووك و أخيرا نزل الموضوع
    مع إنكم كنتم القروب الأول بس صراحة أستفدتوا من الزيارة أكثر مننا إحنا القروب التاني و كلو بسبب إللي راح يصير في الحلقة الجاية..أو العدد القادم

    و من جد في أحد صكنا عين.. و لا عين قوية كمان ما لقيوا يضيفولنا إلا ال para

    شكككككككككككككككككككككرا على الموضوع الحلو صح أنا رحت بس في أشياء ما ركزت عليها كتير .. سلام

  2. لؤلؤة Says:

    شوسو
    الله يبارك فيكي
    شفتي كيف يومي بسنة من يوم الاثنين اللي فات وأنا أكتب في الموضوع
    بليييييييييييييز انتو حكوا اش اللي صار معاكم
    عفوا أخجلتي تواضعي 😛
    وعليكم السلام 😀

  3. doodi Says:

    سلام
    الصراحة أنا ما احب أعلق على المواضيع بس عشان خاطرك رح اعلق اليوم لأنو بصراحة يعني الموضوع حلو وفلللللللللللللة
    أنا مرررررررررة أحب أقراء الموضوعات الطبية وأتعلم
    إلا يسمع يقول طالبة طب خخخخخخخخخخخخخخخخخ
    من جمبها …………….. مع نفسها
    المهم يسلمو يا لؤلؤة بيتها على الموضوع ترى مررررررررررررة حلو
    وتسلم الأنامل الاكتبتوا والأفكار المشاركة فيلو ………….
    والله لا يخلي هدا اخر تعليق ليه ……………. تعرفي كيف الوكيلة مو فاضية

    your
    doodi_ta

  4. صفحة من كتاب الحيـــــــــــاة Says:

    الله يسعدك……والله رجعتيني للحظة الحدث 🙂
    بس ان شاء الله خلاص من الأسبوع الجاي نكون كلنا الستـــــــة في قروب واحد 🙂
    وعلى موضوع البارا ……….الله يسامحهم وبس 😦 <<<استسلمت
    ويالله شديلنا حيلك ونزليلنا الحدث 🙂 << اتحمست مع التشويق اللي عملاه في الموضوع 😛

  5. محمد الجرايحي Says:

    السلام عليكم ورحمة الله وبركاته
    تقبلى مرورى ، وتقديرى واحترامى

  6. دُرة الأمل Says:

    الموضوع ماشاء الله مررررررررررة حلو وخصوصا انو هذا أول مكان رحنا “حماس صح؟ ”
    أما بالنسبة للpara فهذا القدر يلله الله يعني ويعينك ………..
    صفحة من كتاب الحياة :
    انت اللي شديلنا حيلك واكتبيلنا الحدث…
    سلام لؤلؤة

  7. لؤلؤة Says:

    دودي..
    والله مرررررررررررررررررررررررة تسلمي يابت خالي 🙂 ..
    من جد فرحت لما شفت ردك..
    إنتي بس خليكي متابعة للمدونة وراح تلاقي اللي يعجبك إن شاء الله..
    بس مانقدر عليكي يا وكيلة 😉
    لازم تكرري الزيارة :)..
    دمتِ بود :)..

    صفحة من كتاب الحياة..
    ماراح أشد حيلي ولا شي يكفي اني نزلت الموضوع 😛
    انتي شدي حيلك وحكي لو سمحتي..
    يعني 3 تروحوا وتشوفوا الحدث
    وتبغوني أنا أحكيه 😦
    وحدة بعذرها النت مفصول والله يجازي الاتصالات
    وانتو الاتنين وحدة فيكم تتشطر كدا وتحكينا 🙂
    الله يسمع منك ونصير في قروب واحد مع بعض 😀

    محمد الجرايحي..
    وعليكم السلام ورحمة الله وبركاته..
    حياك الله..

    درة الأمل..
    بس ياهو اش الاسم دا
    والله مرررررة عجبني 🙂
    عن حماس مو بس حماس إلا الحماس 😀
    البارا الله يصبرناويؤجرنا ياارب :)..
    تسسسسسسسسسسسسسلمي سما على طلتك الحلوة وكرريها 🙂

  8. لؤلؤة Says:

    درة الأمل..
    في شي نسيت أقوله ليش فرحتيني بردك..
    يعني ردك هو أول رد لك في المدونة
    والرد رقم 100 في المدونة 😀
    تحسي إني اتحمست لما لقيت 100 رد..
    تصدقي يبغالك هدية :D..
    أشوف عاد أفطرك واحد يوم بس بعد ما أخلص صيام 😛 😉
    سلام 🙂

  9. news1390 Says:

    السلام عليكم

    كاننا عشنا في وسط الحدث

    وصف دقيق وكامل

    بارك الله فيك

  10. لؤلؤة Says:

    news1390..
    وعليكم السلام..
    شكرا لأنه أعجبك..
    دمتِ بصحة :)..

  11. fadiosis Says:

    خخخخخخخخخخخ روووعة بصراحة مرة فلة
    تعرفي لمن رحنا ما شرحوا لنا حكاية القلوفز و غسل اليدين
    و ربي يا لولو لو تشوفي في بنت من صحباتي وقفت عند الباب ما تبغى تدخل
    خخخخخخخخ استغفرك يا رب و اتوب اليك
    بس مرة فلة … كيب اب زا قود وورك خخخخخخخخ
    keep up the good work
    :D:D:D

  12. لؤلؤة Says:

    fadiosis
    يعني عشان احنا اول جروب راح شرحولنا بذمة وضمير 😛
    اللي بعدنا بس كدا شرحولكم 😛
    شكها اللي معاكي خافت بعد المغامرة اللي حصلت للجروب التاني
    اللي مهم راضيين يحكوا الل صار معاهم
    لو كدا .. معذورة 🙂
    يسلمو 🙂

  13. قمر السعادة Says:

    الحمد لله كنت في الجروب الأول
    كانت من جد مغامرة حكاية البدء بقسم العزل الطبي<<<اهلها الله يسعدهم ماخلو تهزيئة ماقالوها لها ههههههههه 🙂
    أبدعت في الوصف غاليتي
    لك مني كل التقدير

  14. Shoso Says:

    بناء على طلب دوك لؤلؤة…
    راح أحكي إيش صار لنا لمن رحنا إحنا القروب التاني لوحدة العزل …
    صار لنا فيلم آكشن هناك قولوا ليش؟؟!!
    أول ما دخلنا طبعا نفس ما صار للقروب الأول .. لا رد لا تعليق و لا استجابة لطلبنا
    فجأة انفتح واحد من أبواب غرف المرضى و خرجت منه مريضة و صاروا الممرضات يقولولها أدخلي الغرفة و هي ما تبغى تدخل .. بعدها دخلتنا وحدة من الممرضات غرفة خلف الإستقبال تبع القسم و شرحت لنا عن أنواع الغرف الموجودة و أنواع الحالات إللي يستقبلوها ( نفس الكلام إللي شرحته لؤلؤة) بعدها خرجت الممرضة و كنا بنجهز نفسنا عشان نخرج، سمعنا صوت صراخ فتجمدنا في مكاننا و بعدها دخلت وحدة من الممرضات الغرفة و كلمت الامن شفنا المريضة خارجة من الغرفة و معاها خشبة طويلة أطول منها( من فين جابتها و إحنا في المستشفى.. الله أعلم) قفلنا على نفسنا باب الغرفة كنا تقريبا 11 طالبة و صرنا إحنا الisolated مو المرضى و بعض البنات وقفوا عند الباب عشان لا أحد يجي و يفتحه و صرنا نقرأ المعوذات و آية الكرسي و إحنا نسمع صراخ لآلآلآلآلآلآلآلآلآلآلآلآلآلآلآلآلآلآلآلآلآلآلآ و آآآآآآآآآآآآآآآآآآآآآآآآآآآآآآآآآآآآآآآآآآآآآآآه و صوت طراخ طاااااااااااااااااااااااااااااااااااخ و الله هدا إللي كنا نسمعه كأنو أحد قاعد يخبط طاولة أو أي شيء قاسي بخشبة أو حديدة ، بعدربع ساعة تقريبا من الرعب و الحبس ما صرنا نسمع صوت وعم المكان هدوء غريب و فجأة فتحت الممرضة الباب و قالت لنا إنو الطريق أمان و إحنا ما تشوفوا إلا غبارنا على قولتهم خرجنا نجري و لو صورتنا كاميرات المستشفى كان صرنا بلوتوث الشهر.. المشكلة إنو هادي أول رحلة لنا للمستشفى يعني من أولها ما أدري كيف!!!! الله يعين.. يا رب وفقنا..

  15. wasan Says:

    أخيرا تصلح الدي سي ال
    كنت في غيبوبة نتية
    الحمدالله

    أما عن غرفة العزل فحدث ولا حرج
    أنا كنت من أبطال فليم الرعب إلي حصل (مادري شايفة نفسي جوليا روبرتس)
    المهم كان موقف لا ينسى ويسجل في التاريخ مدري الجغرافيا
    المضحك في الموضوع إني كنت في عالم ثاني غير اللي كانوا فيه
    كنت مشغولة بكتابة الورق اللي أعطونا إياه وما فقت إلا على صراح البنات
    و الحمدلله جات سليمة
    و رجعنا الجامعة وشربنا عصير ليمون 🙂

  16. دُرة الأمل Says:

    شوسو
    مرة كان وصفك رائع …جسمت الحدث … رغم انك انت اللي حكيتني بس ما دري حسيت أنو غير…. تسلم الأنامل الذهبية……..
    مبروك وسن فرحتلك.. أخيرا انقشعت الغمامة..
    لؤلؤة
    متى تخلصي الصيام أنا بانتظارك….
    Good Luck

  17. اقصوصه Says:

    بصراحه موضوع جدا مفيد

    وغني بالمعلومات اليديده

    استمتعت جدا بقراءة التدوينه

    الله يبعد عنا المرض وشره

    سعيده بمروري من هنا

  18. { فـوآح‘ } Says:

    انا ودي اخش الغرفة ذي .. بس أتخرع !

    ما شاء الله عندكم نيقتف بريشر روم ..

    هذي مو موجودة في القصيم 😦 ..

    تدوينة حلوة ، موفقة

  19. لؤلؤة Says:

    قمر السعادة..
    ياهلا بيكي والله 🙂
    نورتي 🙂
    ما اتهزئت كتير من أهلي بس كانو مفجزعين من روح المغامرة اللي نزلت علينا فجأة..

    شوسو..
    مرررررررررة تسلمي ياسكر..
    بصراحة شرحك مرة يحمس 😀
    الله لا يعيد الموقف دا بس
    يللا بسرعة خلينا نروح نتطعم عشان مانخاف 🙂

    وسن..
    كلللللللوييييييش
    وأخيرا ..
    على حكاية الانشغال ماشاء الله من الدفرنة ما حسيتي باللي حوليكي 😛
    منورة غاليتي ..

    درة..
    صارلي تلاتة أيام مخلصة صيام بس والله مافضينا 🙂
    إن شاء الله الأسبوع الجاي 😛

    اقصوصة..
    أهلا بيكي ياغالية..
    آمين الله يحفظ الجميع من شرور الأمراض 🙂
    منورة 🙂

    فواح..
    احنا مادخلنا الغرفة بس القسم
    يعني ماشفنا مرضى
    لكن دخلنا غرفة ماقيها مريض
    تتخرع ليش!!!
    الله يوفق الجميع
    شاكرة مروركم..

  20. fadiosis Says:

    يا هو يا اكشنات.. كل دا صار معاكم … ؟؟؟ و انا بس اتهزأ من قسم للتاني
    اهئ اهئ اهئ … مشي حالك … اصلا قلوبنا تبلدت خخخخخخخخ


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: